LG Wing Latest Price in India | స్మార్ట్‌ఫోన్ ఇండస్ట్రీలో సంచలనం సృష్టించిన ఎల్‌జీ వింగ్ మొబైల్ ధర భారీగా తగ్గింది. ఏకంగా రూ.40,000 ధర తగ్గించింది ఎల్‌జీ. లేటెస్ట్ రేట్ ఎంతో తెలుసుకోండి.
బడ్జెట్ ఎక్కువైనా మంచి స్మార్ట్‌ఫోన్ కొనాలనుకుంటున్నారా? ఎల్‌జీ వింగ్ స్మార్ట్‌ఫోన్ ధర భారీగా తగ్గింది. ఈ స్మార్ట్‌ఫోన్ ధరను ఏకంగా రూ.40,000 తగ్గించింది కంపెనీ. రిలీజ్ చేసినప్పుడు ఈ స్మార్ట్‌ఫోన్ ధర అయితే రూ.69,990 ఇప్పుడు రూ.29,999 ధరకే కొనొచ్చు.
స్మార్ట్‌ఫోన్ బిజినెస్ నుంచి తప్పుకుంటున్నామని ఎల్‌జీ ప్రకటించిన సంగతి తెలిసిందే. దీంతో స్టాక్ మొత్తాన్ని జూలై 31 లోగా క్లియర్ చేయాలని ఎల్‌జీ భావిస్తోంది. అందుకే స్మార్ట్‌ఫోన్ల ధరల్ని తగ్గిస్తోంది.
రూ.29,999 ధరతో ఎల్‌జీ వింగ్ స్మార్ట్‌ఫోన్ ఫ్లిప్‌కార్ట్‌లో లిస్ట్ అయింది. ఫ్లిప్‌కార్ట్ స్మార్ట్‌ఫోన్ కార్నివాల్‌లో ఎల్‌జీ వింగ్ స్మార్ట్‌ఫోన్‌ను కొనొచ్చు. కేవలం 8జీబీ+128జీబీ వేరియంట్ మాత్రమే ఉంది. ఎల్‌జీ వింగ్ స్పెసిఫికేషన్స్ చూస్తే 6.8 అంగుళాల ఫుల్ హెచ్‌డీ+ పీ-ఓలెడ్ ఫుల్ విజన్ డిస్‌ప్లే ఉంటుంది రెండో డిస్‌ప్లే 3.9 అంగుళాల ఫుల్ హెచ్‌డీ+ జీ-ఓలెడ్ ప్యానెల్‌తో ఉంటుంది. ఈ స్మార్ట్‌ఫోన్‌కు రెండి డిస్‌ప్లేలు ఉండటం విశేషం.
LG Wing Mobile Specifications
ఎల్‌జీ వింగ్ స్మార్ట్‌ఫోన్‌ను అరోరా గ్రే, ఇల్యూజన్ స్కై కలర్స్‌లో కొనొచ్చు. ఎల్‌జీ వింగ్ స్మార్ట్‌ఫోన్ క్వాల్కమ్ స్నాప్‌డ్రాగన్ 765జీ ప్రాసెసర్‌తో పనిచేస్తుంది.
ఎల్‌జీ వింగ్ స్మార్ట్‌ఫోన్‌లో 64 మెగాపిక్సెల్ ప్రైమరీ కెమెరా, 13 మెగాపిక్సెల్ సెకండరీ సెన్సార్, 12 మెగాపిక్సెల్ టెర్టియరీ సెన్సార్‌తో ట్రిపుల్ కెమెరా సెటప్ ఉంటుంది. ఫ్రంట్‌లో 32 మెగాపిక్సెల్ పాప్ అప్ కెమెరా ఉంటుంది.
ఎల్‌జీ వింగ్ స్మార్ట్‌ఫోన్‌లో 4,000ఎంఏహెచ్ బ్యాటరీ ఉంది. క్విక్ ఛార్జ్ 4.0+ సపోర్ట్‌తో 22వాట్ ఫాస్ట్ ఛార్జింగ్ సపోర్ట్ ఉంది. 10వాట్ వైర్‌లెస్ ఛార్జింగ్ సపోర్ట్ కూడా ఉంది.
Reviewed by Telugu Trending News
on
April 17, 2021
Rating:
No comments: